صنم ماروی دوسری شادی کی افواہوں پر برہم، سختی سے تردید

لاہور: گلوکارہ صنم ماروی دوسری شادی کے بارے میں افواہوں پر برہم ہوگئیں اور سختی سے تردید کر دی۔

صنم ماروی نے روزنامہ دنیا سے گفتگو کرتے ہوئے کہا کہ دوسری شادی کی خبروں میں کوئی صداقت نہیں، اس حوالے سے صرف پراپیگنڈا کیا جا رہا ہے۔ گلوکارہ نے اپنے سابق شوہر حامد علی بہلول اور ان کے خاندان کو خبردار کیا کہ ان کی زندگی میں پہلے ہی بہت مسائل ہیں اور انہیں مزید نہ الجھائیں۔

انہوں نے کہا کہ ابھی میری دوسری شادی کا سوال ہی پیدا نہیں ہوتا، جو کچھ بھی میری زندگی میں ہوگا وہ میڈیا کو ضرور پتا چل جائیگا۔