آمنہ الیاس نے جیون ساتھی چن لیا، جلد شادی کرنے کا ارادہ

(آئی این این نیوز)

لاہور:  اداکارہ آمنہ الیاس نے اپنے لئے جیون ساتھی کا انتخاب کرلیا اور وہ بہت جلد شادی کرنے کا ارادہ بھی ظاہر کر دیا۔رپورٹ کے مطابق آمنہ الیاس ایک معروف اداکار کی محبت میں گرفتار ہیں، دونوں میں کچھ عرصہ قبل ایک شوٹنگ کے دوران دوستی ہوئی جو تیزی سے محبت میں بدل گئی، دونوں ایک دوسرے کے بہت قریب آچکے ہیں اور جلد شادی کرنے والے ہیں۔

آمنہ الیاس نے اپنے لئے جیون ساتھی کا انتخاب کر لینے کی تصدیق کرتے ہوئے کہا کہ وہ ابھی ان کا نام نہیں بتا سکتیں تاہم اتنا ضرور ہے کہ ان کا تعلق شوبز سے ہے اور ہماری کیمسٹری بہت ملتی ہے، ہم دونوں جلد شادی کرلیں گے۔